ماكانتش صدفة ان ربنا يختبرك بتجربه صعبه .. فقلبك يتوجع فتصلي لربنا انه يهونها عليك ....

- ماكانتش صدفة انك فجأة.... تلاقي حياتك تنقلب رأساً على عقب ....فتكون بداية لحياة جديدة قريبه من ربنا اكتر ..

- ماكانتش صدفة إنك تضيع حاجة منك ...كنت بتتمناها ...علشان ربنا كاتبلك اﻷحسن اللي هتكتشفه بعد كده..

- ماكانتش صدفة لما جالك مشكله ....فكشفلك ناس حواليك ....خاب ظنك فيهم..

- ماكانتش صدفة انك تلاقي رسائل طبطبة من ربنا .....
فتحس انها جتلك في وقتها وكأن ربنا بعتها ليك ويقولك انا معاك .. بس انت اصبر ..

- ماكانتش صدفة ان حد يختارك ...علشان يحكيلك مشكلته فتخفف عنه .. وكأن ربنا بعتك ليه علشان يقولك اشكر ربنا على اللي انت فيه ..

- ماكانتش صدفة ان ..... تتاخر إجابة أمنية استنتها كتير .. علشان لما تتحقق تحس بسعادة وفرحة أكبر ..

- ماكانتش صدفة انك تسمع ايه او كلمه من الانجيل وقت زعلك .... ❤

هي مش صدفة هي مواعيد ربنا مقدرهالك

ربنا عارف انك هتتحمل وهتقدر تعدي محنتك و مشكلتك ... ربنا بيثبت فيك الصبر وانك تكون واثق ان في خير جي ليك.. ربنا عاوزك تقرب منه وتلجأله في عز ضيقتك .....

هتضعف وممكن تيأس بس هترجع تقوم و هتكون اقوي

كل ده بيحصلك علشان تكون الشخص اللى تتمنى تكون عليه بعد كده ..

اصبر.... و اطمّن.... و خليك راضي عن كل حاجه.....
وربنا هيفرحك فرحة مكنتش بتحلم بيها.

اﻻبن :
 ليه يا بابا بتهز العش انا كدا باخاف !!
الاب :
 علشان تتعلم الطيران ...
اﻻبن :
 بس انا مبسوط هنا ومرتاح كدا ...
اﻻب :
 بس انا عارف مصلحتك وانك ﻻزم تتعلم الطيران ...
اﻻبن :
انت مش بتحبنى انت عاوز تتعبنى وتهدم العش الجميل بتاعى ...
اﻻب :
 لما تتعلم الطيران هاعمل لك عش احلى الف مرة من دا واكبر واوسع واقوى ...
اﻻبن :
 بس انا عاجبنى دا ...
الاب هز العش جامد والابن وقع حاول يرفرف كتير بس معرفش يطير وبص ل ابوة بدموع وخوف ورعب وكمان كراهيه شديدة ..
اﻻبن :
ايه اللى انت بتعمله دا انت مستحيل تكون ابويا وﻻ بتحبني !!!!
وفى اخر لحظه يجى اﻻب يفرد جناحه تحت ابنه ويشيله ويرفعه ويحميه واﻻبن يعيط ويعاتب ابوة
وتفضل تتكرر القصه ويتكرر الحوار وفى كل مرة اﻻبن ينسي ان ابوة بيلحقه وينقذة ويشك فى حبه له لحد ما فى مرة اﻻبن يلاقى نفسه قادر يفرد جناحاته ويطير ...
ساعتها يفرح ويهلل ويبص ﻻبوة ويقوله بفرح انا عارف اطير ... جناحاتى بقت قويه وجامده ...
ساعتها ابوة بكل حنان يقوله عرفت ليه كنت بهز العش ... انا عملت كل دا علشان بحبك

سيب ربنا يهز كل عش انت شايف انه اﻻمان والراحه والملجأ ليك علشان تعرف ان هو
 بس اللى هتلاقى فيه
 كل حاجه ❤

http://www.wataninet.com/2018/05/%d9%85%d8%ad%d8%aa%d8%a7%d8%ac-%d8%a5%d9%84%d9%8a%d9%83/

إهداء إلى أرواح شهداء ليبيا
 http://www.wataninet.com/2018/05/%d8%a3%d8%b5%d8%b1%d8%ae-%d9%8a%d8%a7-%d8%aa%d8%a7%d8%b1%d9%8a%d8%ae/

" بالرغم من بساطة كلام الرسل ؛
كانوا أغنياء فىً المعرفة "

كيرلس الكبير

بدء صوم الرسل

" أنت أيها الرب نار آكلة تحرق اهتمامات البشر التي بلا حياة وتجدِّدهم أبديًا "

اغسطينوس

عيد حلول الروح القدس

أبدأ باكر يومك بالشكر والإمتنان نحو الله ؛
ونحو أى أحد قد أسدى لك معروفاً أو جميلاً من قبل "