صفحة أبونا أغناطيوس الأنبا بيشوي

صفحة المتحدث الرسمي بإسم الكنيسة القبطية الارثوذكسية

دير القديس العظيم الأنبا بيشوي

قصيدة / دم بيصرخ
للراهب /عزرا الأنبا بيشوي
+ دم بيصرخ تحت المذبح...بيسأل ليه الشر  يسود.؟
اقتل.. اسرق..انهب.. ادبح..بكرة تموت ومش هتعود
اقتل مينا وادبح جرجس...دول كفار بضمير  مفقود
احرق طنطا وفجر سيناء انت شديد وقوي ومسنود
اقتل طفل وشاب وشيخ.دول ملهومش بلاد وحدود
ودمع بيبكي بحرقة في قلبي.بيكسر فيا كل سدود
انا منقوش  على  كف الهي انا واخد من ربي وعود
انت في يوم هترد ياربي وتكسر كل سيوف وقيود

رجاء لكل اللي بيشوف
الكلام ده دلوقتي ياريت متعملوش حاجة غير أنكم تدخلو أوضكوا تصلوا للأطفال والخدام و الأهالي اللي كانو معاهم سواء منتقلين او مصابينن وكمان للاهالي اللي فقدت عيالها و اي حد كان لديه قريب او صاحب (ربنا يديهم سلام و فرح يدهش العالم كله لان هو ده ايمانا و هو ده اللي ربنا يسوع المسيح و الكنيسة علمتهولنا من زمان و يفضّل لو فيه أطفال يصلوا معاكو لان ربنا بيسمع ليهم جدا جدا )

بلاش تحاليل و كلام لا هري لا هيجيب و لا هيودي عالحكومة و السياسة و الدين كل ده لاهيقدم و لا هياخر .

(كل ده بيتغير لما الركب بتركع و تصلي من القلب لان هو ده اللي المسيح قال لنا عليه و ده اللي حصل مع الي سبقونا و نالو السما)

مبقولش ان الموضوع عادي و سهل لا ده حاجة تقطع القلب و تحرق الدم

بس خلينا نعزي بعض بأنهم في مكان أحسن و حالة نتمني نكون فيها أنا او انت او اي حد تاني فيها

(ممكن يبقي أنا او انت علينا الدور المرة الجاية او علي اي حد من عيالنا و يبقي نفسنا حد يصلنا فالموقف ده لينا ( الصلاة هي
اللي بتحيينا)

الحل هو الصلاة لو سمحتوا كله ياخد عياله و يدخل يصلي دلوقتي صلوا
صلو
ا و أقفلوا ألفيس بوك شوية و اصرخوا للي ملناش غيره هو اللي في ايده المفاتيح و هو اللي بينقذ و يحيي و يغير الكون كله لصالح شعبه و غنم رعيته.

اللي قبلنا عملو كده و قدموا نفسهم و عيالهم بفرح.

خلّونا نصلي عشان ننال الفرح اللي ممكن بيه نقدم نفسنا وعيالنا لو مرينا بالتجارب دي.

الصفحة 1 من 41

مقالات الأباء

JSN Epic template designed by JoomlaShine.com