روح له زى ما انت

● ارميا كانت العلامة المميزة هي ( الدموع ) كل اللي بيقدر يعمله انه يبكي ويعيط ويشكي لربنا اللي بيحصل وسط شعبه .. كتير من سفره دموع والم ومراثي .. كل اللي بيملكه دموع وصراخ (راح لربنا بدموعه)
● يعقوب كان عنيد وعصبي .. اخر مازهق ماتكسفش انه يروح لربنا بعنده وعصبيته وراح متبت وماسك فيه ويقوله "لن اطلقك ان لم تباركني" وفعلا نال ماطلبه (راح لربنا بعنده وعصبيته وصراعه)
● العشار راح يصلي مكانش عنده حاجة يقولها او يروح لربنا غير اربع كلمات "اللهم ارحمني انا الخاطي" والله برره رغم صغر صلاته وامتدحه لانه كان صادق وراح بللى في قلبه ( وصل لقلب ربنا باربع كلمات من عمق القلب)

●● في صلاتك وخلوتك وعلاقتك مع ربنا ماتحطش طريقة او فرض تفرضه تحاول توصل بيه لربنا ... شوف ايه الحاجة اللي جواك اللي تقدر توصل بيها لربنا ( مشاعرك - اية - كلمة صغيرة من قلبك - دموع - عتاب - ترنيمة - لحن - كلمات كاتبها لربنا في ورقة ونفسك تقولهاله .. الخ ) ماتتكسفش روح لربنا بللى ف قلبك وبللى قادر تتواصل معاه بيه ..

اوعي تقطع الاتصال معاه وتقول مش عارف اصلي ..
روحله بللى عندك اهم حاجة تروحله
روحله باحتياج قلبك وماتسيبش نفسك لغيره