.... (((( عيش ماتحكيش )))) .....
لـو فى يوم الخدمة كانت ناجحة معاك
والــرب كـــان جنبك ساند ويــــاك
والوزنة بتاعتك ربحت هـنـا وهـنـــاك
والحمل رغم تقله خف وبقى زي الريش معاك
يبقى عيش ماتحكيش
******
عيش الخدمة ماتبينش تعبك فيها
وان كـانـت حـلـوة الـزرعــــة إوعـى تقـول إنـــك ساقـيهــا
وان كـبـرت وجابت ثـمــرة مـــش إنـــت اللــى منميها
ده ربنا هو اللي ساعد فيها وادالك ثمرة زيها مفيش
يبقى عيش ماتحكيش
*******
إنت يا خادم عــــــن فـضـايـلك مـاتحكـيـش
عن نجاحك فى الخدمة ماترغيش
لو جالك مديح قول مايلزمنيش
لو عايز سراجك ماينطفيش
يبقى عيش ماتحكيش
*******
خـلـي بالك مــــــن كلمة أنــــا
الأنــا فــى الخدمــة ماتساويش
وكلامك عن نفسك طريق ماينتهيش
ويوم ما تتفاخر هاتنزل على مفيش
وتيجى تدور على الزيت فى مصباحك ماتلاقيش
يبقى عيش ماتحكيش
********
عيش الخدمة إنسان متواضع
خــادم هــادى لـربـك راكــــع
إنجيل معاش لصوت إلهك سامع
تـنكـر ذاتـك .. ولصليبك رافــــع
وساعتها تكون حقيقي خادم
وتعيش ماتحكيش 🙏🙏🙏